აშშ-ის პრეზიდენტმა, დონალდ ტრამპმა განაცხადა, რომ იმუშავებს სუდანში ომის დასასრულებლად საუდის არაბეთის მემკვიდრე პრინცის, მოჰამედ ბინ სალმანის თხოვნით.
„მის უდიდებულესობას სურს, რომ სუდანთან დაკავშირებით რაიმე ძალიან მნიშვნელოვანი გავაკეთო. ჩემს დღის წესრიგში არ იყო ამ საკითხში ჩართვა. მე ვფიქრობდი, რომ ეს უბრალოდ რაღაც შეშლილი და კონტროლს მიღმა არსებული იყო, მაგრამ ახლა ვხედავ, რამდენად მნიშვნელოვანია ეს თქვენთვის და ამ დარბაზში თქვენი ბევრი მეგობრისთვის. დავიწყებთ მუშაობას სუდანში“, – განაცხადა ტრამპმა აშშ-საუდის არაბეთის საინვესტიციო ფორუმზე სიტყვით გამოსვლისას.
ცნობისთვის, მანამდე აშშ-ის პრეზიდენტმა, დონალდ ტრამპმა საუდის არაბეთის პრინცს, მოჰამედ ბინ-სალმანს თეთრ სახლში უმასპინძლა.
კომენტარები