რუსეთის შეიარაღებული ძალების გენერალური შტაბის უფროსის ვალერი გერასიმოვის განცხადებით, რუსულმა ჯარმა უკრაინის ხარკოვის ოლქში მდებარე საკვანძო ქალაქი კუპიანსკი დაიკავა.
„დაჯგუფება „დასავლეთის“ შენაერთებმა ქალაქი კუპიანსკი გაათავისუფლეს და მდინარე ოსკოლის მარცხენა სანაპიროზე უკრაინის ქვედანაყოფების განადგურებას განაგრძობენ“, – განაცხადა გერასიმოვმა.
განცხადებას ავრცელებს უკრაინის შეიარაღებული ძალების გენშტაბიც და რუსული მხარის მიერ გავრცელებულ ინფორმაციას უარყოფს.
„კუპიანსკი უკრაინის თავდაცვის ძალების კონტროლის ქვეშაა. ქალაქში და მის შემოგარენში მოწინააღმდეგის დივერსიულ-სადაზვერვო ჯგუფების სამძებრო და განადგურების მიზნით კონტრდივერსიული და სპეციალური ღონისძიებები გრძელდება“, – აღნიშნულია უკრაინის გენშტაბის განცხადებაში.
კუპიანსკი რუსებმა ომის დაწყებიდან მალევე, 2022 წლის თებერვალში დაიკავეს. მოგვიანებით უკრაინულმა ჯარმა მისი გათავისუფლება შეძლო.