თბილისის მერიის მედიასთან ურთიერთობის სამსახურის უფროსი მანანა თოქმაჯიშვილი სოციალურ ქსელში პოსტს აქვეყნებს.
“აი ასეთი იდენტური, კონტეინერების ტიპის ბეტონის ნაგებობები აღმოაჩინა მერიის მუნიციპალურმა ინსპექციამ მორიგი მონიტორინგის დროს გლდანის რაიონში. ეს არის მუნიციპალური მიწა და ტერიტორიას მინიჭებული აქვს რეკრეაციული ზონის სტატუსი.
დღეს გაიკრა გამაფრთხილებელი შეტყობინებები აღნიშნულ უკანონო ნაგებობზე და ათდღიანი ვადის გასვლის შედეგ ინსპექცია იმოქმედებს კანონის შესაბამისად.
ამჟამად აქ არავინ ცხოვრობს, ისევე როგორც არ ცხოვრობდნენ იმ უკანონო მშენებლობებში, რომელთა დემონტაჟიც თუნდაც სულ ცოტა ხნის წინ განახორციელა მუნიციპალიტეტმა. თუმცა, რიგი მედიასაშუალებების ეკრანებზე ყოველთვის ჩნდებიან სოციალურად დაუცველი ადამიანები, რომლებიც, თითქოსდა, ცხოვრობენ მსგავს ნაგებობებში.
დასკვნების გაკეთება თქვენთვის მომინდია.”