შეერთებული შტატებისა და უკრაინის წარმომადგენლებმა, ვაშინგტონის სამშვიდობო წინადადების განსახილველად, ჟენევაში შეხვედრა გამართეს. მხარეების მიერ გავრცელებულ ერთობლივ განცხადებაში ნათქვამია, რომ მოლაპარაკება კონსტრუქციული და პატივისცემის გამომხატველი იყო და ფოკუსირებული იყო მდგრადი მშვიდობის მიღწევაზე.
„დისკუსიებმაკიდევ ერთხელ აჩვენა, რომ ნებისმიერი მომავალი შეთანხმება სრულად უნდა იცავდეს უკრაინის სუვერენიტეტს და უზრუნველყოფდეს მდგრად და სამართლიან მშვიდობას. დისკუსიის შედეგად, მხარეებმა განახლებული და დახვეწილი სამშვიდობო ჩარჩო შეიმუშავეს“, – აღნიშნულია განცხადებაში. მასში ასევე ხაზგასმულია, რომ უკრაინა და შეერთებული შტატები უახლოეს დღეებშიც ინტენსიურ მუშაობას გეგმავენ.
მანამდე მარკო რუბიომ და ანდრეი ერმაკმა ჟენევაში მოლაპარაკებაზე მნიშვნელოვან პროგრესზე განაცხადეს. შეხვედრა ჟენევაში გუშინ გაიმართა. მასში ასევე მონაწილეობდნენ დიდი ბრიტანეთის, საფრანგეთისა და გერმანიის დელეგაციები.