მათი განცხადება, თინა ბოკუჩავას გამოსვლა არის პოპულიზმი, – განაცხადა საპარლამენტო უმრავლესობის წევრმა, „ქართული ოცნების“ ვაკის რაიონის დელეგატმა ზუკა რურუამ. ამ კომენტარით დეპუტატი გამოეხმაურა მოსამართლეებისადმი თინა ბოკუჩავას მოწოდებას, რომ პარტიების აკრძალვის შესახებ სარჩელი წარმოებაში არ მიიღონ.
„ფაქტი ის არის, რომ საქართველოს მოსახლეობის უმრავლესობის დიდი ხნის დაკვეთა იყო, რომ აღნიშნული ქმედება განეხორციელებინა ხელისუფლებას. ყველამ ერთად კარგად ვნახეთ, რამდენი ადამიანი დაშავდა ამ პერიოდის განმავლობაში, რამდენმა ადამიანმა მიიღო კოლოსალური ზარალი, რამდენმა ადამიანმა დაკარგა სიცოცხლე. მათი განცხადება და თინა ბოკუჩავას გამოსვლა არის პოპულიზმი“, – აცხადებს რურუა.
„ნაციონალური მოძრაობის“ თავმჯდომარე, თინა ბოკუჩავა მოსამართლეებს მოუწოდებს, პარტიების აკრძალვის შესახებ სარჩელი წარმოებაში არ მიიღონ და დაუშვებლად ცნონ.