პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილე თენგიზ შარმანაშვილი ALDE-ს განცხადებას ეხმიანება, რომლითაც ორგანიზაცია საქართველოს პარლამენტის თავმჯდომარეს პასუხობს.
„ALDE არის ჩვეულებრივი ყალბი ნარატივების გამავრცელებელი ორგანიზაცია მაშინაც კი, როდესაც ჩვენი ოპონენტები თვითონაც უკვე აღარ ლაპარაკობენ ქიმიურ იარაღზე, რადგან მილევად რეჟიმშია – ძალიან კარგად იციან, რომ უხერხულ სიტუაციაში ჩავარდნენ ამ სისულელის გავრცელების გამო, ეს ALDE მაინც ურცხვად იმეორებს ამას. მათ ძალიან კარგად იციან, რომ არავითარი მტკიცებულება ამის არ არსებობს“, – აღნიშნა შარმანაშვილმა.
პარლამენტის თავმჯდომარის განცხადებას, რომ ALDE-ს მხრიდან, რომლის პოლიტიკური ოჯახის წევრი „ლელოა“, ალეკო ელისაშვილის მიერ ჩადენილ მძიმე დანაშაულზე რეაქცია არ არის, „ევროპის ლიბერალთა და დემოკრატთა ალიანსი“ პასუხობს.
ცნობისთვის, შალვა პაპუაშვილმა განაცხადა: „10 დღე გავიდა მას შემდეგ, რაც ვიხილეთ ტერორისტული აქტი, რეაქცია არ არის. შეგვიძლია, დღეიდან უკვე ფაქტად მივიღოთ, რომ ALDE არის ტერორისტთან მოთანამშრომლე პარტიული გაერთიანება“.
პროკურატურამ თბილისის საქალაქო სასამართლოში 29 ნოემბერს ტერორისტული აქტის ჩადენის მცდელობის ფაქტზე ალექსანდრე ელისაშვილს ბრალდება წარუდგინა და ფაქტის ამსახველი ვიდეო გამოაქვეყნა.