კარგია, რომ საღი აზრიც ისმის ევროკავშირის წიაღში, სადაც კონკრეტულ ფაქტებსა და მოვლენებს თავის სახელს თავის სახელს არქმევენ. თუმცა, ის ზეწოლა, ორმაგი სტანდარტი, ძალმომრეობა ქართველ ხალხზე და ტყუილების დეკლარირება კვლავ გრძელდება“, – განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა.
მან ამგვარად შეაფასა ევროპარლამენტში საქართველოში დემოკრატიული სიტუაციის შესახებ გამართული დებატები.
დეპუტატის თქმით, ქართველ ხალხს ვერ პატიობენ, რომ კვლავ ეროვნული ხელისუფლება აირჩია.
„ეტყობა, ჯერ კიდევ არის შანსი იმისა, რომ ჩვენი ხალხი, ჩვენი ქვეყანა გამოყენებული იყოს, როგორც პროქსი სახელმწიფო. მეორე მხრივ, ვერ პატიობენ ქართველ ხალხს, რომ კვლავაც ეროვნული, ეროვნულ და ხალხის ინტერესებზე ორიენტირებული ხელისუფლება აირჩია არჩევნებზე. ამ ყველაფრიდან გამომდინარე, ჩვენ ვისმენთ იმ სრულიად უსაფუძვლო კრიტიკას, რომელსაც არანაირი არგუმენტი არ გააჩნია და მხოლოდ არაფორმალური ძალების ინტერესების გატარებას ემსახურება“, – განაცხადა დავით მათიკაშვილმა.
ევროპარლამენტში საქართველოში დემოკრატიული სიტუაციის შესახებ გამართულ დებატებზე გაკეთდა საქართველოს ხელისუფლების მიმართ როგორც კრიტიკული, ისე მხარდამჭერი განცხადებები.