სლოვაკეთის პრემიერ-მინისტრმა რობერტ ფიცომ სოციალურ ქსელ X-ში დაწერა, რომ ბრიუსელის აეროპორტში მისი თვითმფრინავი დააზიანეს ისე, რომ ის ფრენისთვის უვარგისია.
„ბრიუსელში რთული სამიტი წარუმატებლად დაიწყო. აეროპორტში ტრაპმა ჩვენი თვითმფრინავი ისე დააზიანა, რომ ის ფრენისთვის უვარგისია. ჩვენ მისი დატოვება აქ მოგვიწევს“, – დაწერა ფიცომ.
მოგვიანებით, სლოვაკეთის შინაგან საქმეთა სამინისტრომ განცხადება გაავრცელა, სადაც აღნიშნულია, რომ საუბარია Airbus A319 ტიპის თვითმფრინავზე. სლოვაკეთის შსს-ს განცხადებით, კონსულტაციების შედეგად ფიცოს თვითმფრინავი პროფილაქტიკური უსაფრთხოების მიზნით ექსპლუატაციიდან დროებით მოხსნეს.
კომენტარები