კაია კალასს ავიწყდება, რომ საქართველოს ხელისუფლება ხალხმა აირჩია, რადგან იმ ინტერესებს ეთანხმებოდა, რაც ქართველ ხალხს აქვს – ხელისუფლება ამ ინტერესებს ახორციელებს, – ამის შესახებ „ხალხის ძალის“ წევრმა, ეკა სეფაშვილმა განაცხადა.
„ამ ერთი წლის განმავლობაში, რამდენიმე მოთხოვნა შევასრულეთ და ინტერესების განხორციელებისაკენ მნიშვნელოვანი ნაბიჯებიც გადავდგით. კაია კალასს სწორედ ეს ავიწყდება, რადგან, როგორც ჩანს, მას მთლიანად დაავიწყდა, რას ნიშნავს დემოკრატია. დემოკრატია ხალხის მმართველობას ნიშნავს. „ხალხს ვემხრობი და მთავრობას არა“ – ცუდი განცხადებაა იმ თვალსაზრისით, რომ არც დემოკრატიულია, არც პოლიტიკურია და არც არანაირ დატვირთვას არ ატარებს. ეს მისი მხრიდან შანტაჟის უნიჭო მცდელობაა, რომელსაც უკვე არავითარი ძალა და სიმწვავე აღარ აქვს საქართველოს მოსახლეობაში და როგორც ვატყობ, აღარც საერთაშორისო არენაზე. ამის დასადასტურებლად არაერთი მაღალი რანგის პოლიტიკოსის განცხადება მოვისმინეთ, რომ არ ვისაუბროთ დონალდ ტრამპის განცხადებასა და რიტორიკაზე, რომელიც ევროპას დემოკრატიული ღირებულებები დაიცვან“,- განაცხადა სეფაშვილმა.
ცნობისთვის, ევროკავშირის ლიდერების სამიტის დაწყებამდე საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, კაია კალასმა განაცხადა, რომ „მხარს უჭერენ ქართველ ხალხს, მაგრამ მხარს არა საქართველოს მთავრობას“.