მინდა ყველა მშობელს და ბავშვს ბოდიში მოვუხადო, ვისაც არასწორად დაგეგმილი ან არაკეთილსინდისიერი კომპანიების გამო უწევთ არასათანადო გარემოში განათლების მიღება, – განაცხადა გადაცემაში “იმედი Live” საქართველოს ინფრასტრუქტურის მინისტრმა რევაზ სოხაძემ სასკოლო ინფრასტრუქტურაზე საუბრისას.
მისივე თქმით, სამშენებლო პროცესებს გააქტიურებასთან ერთად ხარისხთან მიმართებით კომპრომისი არ განიხილება.
„დღეს ეს ნამდვილად სერიოზული გამოწვევაა ჩვენთვის და დავისახეთ სტრატეგიად, რომ ეს პრობლემაც ძალიან მალე გადავჭრათ. ყველა მოცულობის სკოლასთან მიმართებით გვექნება ტიპური პროექტები, რომ შემდგომ ნებისმიერ ახალ ლოკაციაზე მისი გადაპროექტება მოკლე დროში განხორციელდეს. ყველაფერმა შეიძლება მოიცადოს, მაგრამ რაც ეხება ბავშვების განათლებას არის ძალიან მნიშვნელოვანი“, – განაცხადა რევაზ სოხაძემ.