არასამთავრობო ორგანიზაციების ერთობლივ განაცხადს, რომლითაც მათ გაეროს ქიმიური იარაღის აკრძალვის ორგანიზაციის (OPCW) გენერალურ დირექტორს მიმართეს, პოლიტიკური შეფასებები მოჰყვა მმართველ გუნდში.
ფრაქცია „ქართული ოცნების“ თავმჯდომარის პირველი მოადგილე, ლევან მაჭავარიანი აცხადებს, რომ ეს ნაბიჯი კარგად მეტყველებს რა მძიმე მდგომარეობაში არიან რადიკალები და მათი „ენჯეოები“.
„ეს კიდევ ერთხელ მეტყველებს, როგორ მძიმე მდგომარეობაში არის მთლიანად რადიკალური ოპოზიცია. ზღაპრებზე ტრიალებენ. აქტორების კუთხითაც, მათ პატრონებს როგორი პრობლემები აქვთ კარგად ვხედავთ, როდესაც ისევ ნინო ლომჯარიაზე აკეთებენ აქცენტს. ანუ ადამიანი, რომელიც საქართველოს მოსახლეობის აბსოლუტურმა უმრავლესობამ იცის რომ ჩვეულებრივი აგენტი არის. მტკიცებულებით გვაქვს დადასტურებული თუ რომელი „ენჯეოები“ ფინანსდებიან ბრიუსელიდან და ვიცით თუ როგორ საქმიანობას ეწევიან ისინი. არა მათ დეკლარირებულ საქმიანობას, არამედ შუღლის გაღვივებას, პოლარიზაციის გაღვივებას, შეტევას ჩვენს ინსტიტუტებზე“, – განაცხადა ლევან მაჭავარიანმა.
ევროკავშირის გრანტები კორუფციული ინტერესით. პარლამენტის თავმჯდომარე არასამთავრობოების დეზინფორმაციულ კამპანიებსა და მათ დამფინანსებლებს შორის კავშირზე საუბრობს.