რადიკალური ოპოზიციის წარმომადგენლები ქსელური მარკეტების მომარაგების ნაწილში აქტიურად არიან ჩართული. გასაკვირი არ იქნება, თუ აღმოჩნდება, რომ რადიკალური ოპოზიცია ცდილობს, საზოგადოებას ტვირთის სახით მაღალი ფასები განუსაზღვროს ქსელურ მარკეტებში, – ამის შესახებ პარლამენტის საპროცედურო საკითხთა კომიტეტის თავმჯდომარე დავით მათიკაშვილმა განაცხადა.
მათიკაშვილის თქმით, მნიშვნელოვანია გამოძიება, რომელიც პრემიერმა დააანონსა.
„ევროპაში, ქსელურ მარკეტებში ფასები უფრო დაბალია, ვიდრე საქართველოში, ანალოგიურ მარკეტებში. ცალკეულ პროდუქტებზე იმდენად დიდი ფასნამატია, რომ ლოგიკურ ზღვარს სცილდება. რადიკალური ოპოზიციის წარმომადგენლები ქსელური მარკეტების მომარაგების ნაწილში აქტიურად არიან ჩართული. გასაკვირი არ იქნება, თუ აღმოჩნდება, რომ რადიკალური ოპოზიცია ცდილობს, საზოგადოებას ტვირთის სახით მაღალი ფასები განუსაზღვროს ქსელურ მარკეტებში, რამაც, მათი აზრით, მთლიანობაში, ხელისუფლების მიმართ უკმაყოფილება უნდა გამოიწვიოს. მნიშვნელოვანია გამოძიება, რომელიც პრემიერმა დაანონსა. იმუშავებს პარლამენტიც და უნდა განმარტონ, როგორ შეიძლება, საფრანგეთში, გერმანიაში უფრო ნაკლები ფასი იყოს, ვიდრე საქართველოში მაშინ, როცა გადასახადები უფრო ნაკლებია. ყველას მოუწევს ახსნა, რომ საზოგადოებაზე ასეთი წნეხი ხდება იმ კომპანიების მიერ, ვისთანაც აშკარაა რადიკალური ოპოზიციის კავშირი“, – განაცხადა დავით მათიკაშვილმა.