ტაილანდი და კამბოჯა ცეცხლის შეწყვეტაზე შეთანხმდნენ. ინფორმაციას ამის შესახებ „ბიბისი“ ავრცელებს.
მედიის ცნობით, ხელშეკრულება, რომელსაც ხელი ორ ქვეყნის თავდაცვის მინისტრებმა მოაწერეს, 27 დეკემბრიდან შევა ძალაში.
მხარეები შეთანხმდნენ, რომ ტაილანდისა და კამბოჯას სამხედრო ძალები ბრძოლის არსებული ხაზების გასწვრივ დარჩებიან, საკუთარ პოზიციებზე. ტაილანდის მთავრობამ პირობა დადო, რომ სამშობლოში დააბრუნებს 18 სამხედრო მოსამსახურეს, თუ ცეცხლის შეწყვეტის შეთანხმება 72 საათზე მეტ ხანს გაგრძელდება.
ტაილანდსა და კამბოჯას შორის უკანასკნელი საბრძოლო მოქმედებები 20 დღე გრძელდებოდა. შეტაკებები 6 დეკემბრიდან დაიწყო. კონფლიქტის შედეგად ორივე მხარეს 101 ადამიანი დაიღუპა. ასობით ათასი მშვიდობიანი მოქალაქე იძულებული გახდა საკუთარი სახლები დაეტოვებინა.
ცნობისთვის, ტაილანდისა და კამბოჯას კონფლიქტი 100 წელიწადზე მეტია გრძელდება. მათი დავის საგანს სხვადასხვა ტერიტორიები წარმოადგენს, რომლებიც ორ ქვეყანას შორის არსებულ 800-კილომეტრიანი საზღვრის გასწვრივ მდებარეობს. კონფლიქტი ასევე გამწვავდა ივლისშიც, როდესაც 48 ადამიანი დაიღუპა. აშშ-ის პრეზიდენტის შუამავლობით ქვეყნებმა ოქტომბერში სამშვიდობო შეთანხმება გააფორმეს, თუმცა დეკემბერში ის დაირღვა.