ევროპელმა მაღალჩინოსნებმა ჟურნალისტებთან საუბარში შეშფოთება გამოხატეს აშშ-ისა პრეზიდენტის, დონალდ ტრამპისა და უკრაინის ლიდერის, ვოლოდიმირ ზელენსკის შეხვედრის არაპროგნოზირებადი შედეგის გამო. ამის შესახებ ტელეკომპანია „სიენენი“ წერს.
როგორც ცნობილია ტრამპი და ზელენსკი ერთმანეთს 28 დეკემებრს ფლორიდაში შეხვდებიან.
„ტრამპის შემთხვევაში, უსაფრთხო ვარიანტები არ არსებობს“, – განაცხადა „სიენენთან“ საუბარში ნატო-ს მაღალჩინოსანმა.
„სიენენთან“ კომენტარი ასევე გააკეთეს ამერიკელმა მაღალჩინოსნებმა, რომელთა მოსაზრებითაც, აშშ-ის და უკრაინის პრეზიდენტების შეხვედრა პროდუქტიული იქნება.
ცნობილია, რომ ფლორიდაში დაგეგმილ შეხვედრაში არ მიიღებენ მონაწილეობას ევროპელი ლიდერები. თუმცა, ევროპელ ლიდერებს, დონალდ ტრამპსა და ზელენსკის შორის სატელეფონო საუბარია დაგეგმილი.
ამერიკული მედიის ცნობით, 28 დეკემებრს დაგეგმილ შეხვედრაზე აშშ-ის და უკრაინის ლიდერების ომის დასრულების ჩარჩოებს განიხილავენ. ამასთან ტრამპმა განაცხადა, რომ ის უახლოეს ხანში ტელეფონით გაესაუბრება რუსეთის პრეზიდენტს, ვლადიმირ პუტინს.