ფრანგი პოლიტიკოსი ფლორიან ფილიპო ევროკავშირს მშვიდობის მტერს უწოდებს და ევროპული ბლოკის დაშლის საჭიროებაზე მიუთითებს. პარტია „პატრიოტების“ ლიდერი აღნიშნავს, რომ ევროკავშირის საწინააღმდეგო მოძრაობა მთელ მსოფლიოში იკიდებს ფეხს. მისი თქმით, ყოფილი ევროკომისრის ტიერი ბრეტონისა და მისი გარემოცვის სანქცირება ევროკავშირისგან ცენზურისგან თავდაცვის მხოლოდ პირველი გზავნილია.
„ევროკავშირის წინააღმდეგ ამბოხი მწიფდება. ყველა ქვეყანაში აიმაღლეს ხმა და ითხოვენ მის დაშლას და გაქრობას, რადგან ის კაცობრიობის უდიდეს საფრთხეს წარმოადგენს. ის ზღუდავს ჩვენს თავისუფლებას, ემტერება მშვიდობას და აღვივებს ომებს. ძირს უთხრის ჩვენს სუვერენიტეტს. ეს არის კორუფციული მანქანა, რომელიც უნდა განადგურდე ჩვენი ერებისა და კაცობრიობის გადასარჩენად. ეს ამბოხი ახლა მთელს მსოფლიოშია. „ფრექსიტისთვის“ ბრძოლას კი საფრანგეთში ჩვენ ვუდგავართ სათავეში“, – წერს ფილიპო.