დიდი ბრიტანეთის „კონსერვატიული პარტიის“ ლიდერმა, კემი ბადენოკმა განაცხადა, რომ ნატო მოწყვლადად გამოიყურება და მნიშვნელოვანია ალიანსის ერთიანობის შენარჩუნება.
მას ჰკითხეს, უნდა დაწესდეს თუ არა სანქციები აშშ-ის წინააღმდეგ გრენლანდიაზე თავდასხმის შემთხვევაში, რაზეც მან უპასუხა: „ეს ერთ-ერთი საკითხია, რაც ჩვენ გვაშფოთებს“.
„ჩვენ სულ უფრო საშიშ სამყაროში ვცხოვრობთ, ნატოს ალიანსი კი მოწყვლადად გამოიყურება“, – აღნიშნა კემი ბადენოკმა.
„ჩვენ გვსურს დავრწმუნდეთ, რომ ნატოს ერთიანობას შევინარჩუნებთ – სწორედ ამიტომ, პრემიერ-მინისტრმა ყველაფერი უნდა გააკეთოს იმის უზრუნველსაყოფად, რომ პრეზიდენტი ტრამპი მოლაპარაკებების მაგიდასთან დარჩეს“, – დასძინა მან.
კომენტარები