აშშ ვენესუელის შინაგან საქმეთა მინისტრს დიოსდადო კაბელიოს დაკავებით ან მოკვლით ემუქრება. ინფორმაციას Reuters-ი საკუთარ წყაროებზე დაყრდნობით ავრცელებს.
სააგენტოს ცნობით, ნიკოლას მადუროს დაკავების შემდეგ აშშ-ის პრეზიდენტის დონალდ ტრამპის ადმინისტრაცია გეგმავს გააძლიეროს ზეწოლა ვენესუელის ხელისუფლებაში საკვანძო თანამდებობებზე მყოფ პირებზე.
როგორც წყარო სააგენტოს უყვება, აშშ-მა შუამავლების მეშვეობით შეუთვალა კაბელიოს, რომ, თუ ის მორჩილებას არ გამოავლენს, მადუროს ბედს გაიზიარებს, ან მისი სიცოცხლე საფრთხეში იქნება.
Reuters-ის ცნობით, ვაშინგტონი სტაბილურობის უზრუნველსაყოფად დროებით ფსონს ვენესუელის პრეზიდენტის მოვალეობის შემსრულებელზე დელსი როდრიგესზე დებს. აშშ-ის ძირითად მოთხოვნებს ნავთობის ინფრასტრუქტურაზე წვდომა და ნარკოტიკების ნაკადის შეჩერება წარმოადგენს.
სააგენტო აგრეთვე წერს, რომ ვენესუელის შინაგან საქმეთა მინისტრის გარდა ზეწოლის ქვეშ, შესაძლოა, აღმოჩნდეს ქვეყნის თავდაცვის მინისტრი ვლადიმირ პადრინო. ამასთან ერთად, როგორც წყაროები Reuters-ს უყვებიან, პადრინო უფრო მეტად ემხრობა დიალოგს.