“ვენესუელის დროებითი ხელისუფლება აშშ-ს გადასცემს 30-დან 50 მილიონ ბარელამდე ნავთობს, ის გაიყიდება გავაკონტროლებ”

აშშ-ის პრეზიდენტი დონალდ ტრამპი აცხადებს, რომ ვენესუელა აშშ-ს 30-დან 50 მილიონ ბარელამდე ნავთობს გადასცემს. ამის შესახებ ტრამპი სოციალურ ქსელში წერს.

„მოხარული ვარ, განვაცხადო, რომ ვენესუელის დროებითი ხელისუფლება შეერთებულ შტატებს გადასცემს 30-დან 50 მილიონ ბარელამდე მაღალი ხარისხის სანქცირებულ ნავთობს. ეს ნავთობი გაიყიდება საბაზრო ფასად, ხოლო ამ თანხას მე, როგორც ამერიკის შეერთებული შტატების პრეზიდენტი, გავაკონტროლებ, რათა უზრუნველვყოთ, რომ იგი გამოყენებული იქნეს ვენესუელისა და შეერთებული შტატების ხალხების სასარგებლოდ! აღნიშნული გეგმის დაუყოვნებლივ განხორციელება ენერგეტიკის მდივანს, კრის რაითს დავავალე. მას გემებზე დატვირთავენ და დასაცლელად შეერთებული შტატების ნავსადგურებში ჩაიტანენ“, – წერს ტრამპი.