“დარწმუნებულები ვართ რომ ევროპაში ხალხი გამოიღვიძებს და ეს ევრობიუროკრატები რამდენიმე წელიწადში მართვის სადავეებთან აღარ იქნებიან”

რეალობის აღქმა აქვთ დაკარგული იმ ევრობიუროკრატებს, რომელიც ევროკავშირში დღეს მმართველი კლასია. რამდენიმე თვის წინ ევროკომისიამ ჩაატარა ევრობარომეტრის კვლევა, სადაც ევროკავშირთან მიმართებაში განწყობები გაუარესებულია, რაც ძალიან გულდასაწყვეტია, – განაცხადა ადაცემაში „EURO ანატომია“ ფრაქცია „ქართული ოცნების“ თავმჯდომარის პირველმა მოადგილემ ლევან მაჭავარიანმა.

„ჩვენ გული დავწყვიტეთ აშშ-ის ყოფილ ადმინისტრაციას და ევრობიუროკრატებს, რომ საქართველოში რუსეთთან მეორე ფრონტი არ გავხსენით. 4 წლის განმავლობაში ჩვენი მოქალაქეები აკვირდებიან, თუ როგორი უსამართლო დამოკიდებულებაა ჩვენი ქვეყნის მიმართ, ხედავენ რამდენი მცდელობაა, რომ მათი ხელშეწყობით აქ რევოლუცია მომხდარიყო და ხელისუფლებაში ის აგენტურა მოსულიყო, რომელიც მათ დავალებებს უსიტყვოდ შეასრულებდა.

მათ ხელს არ აძლევს ის, რომ ძალადობრივ აქციას დაარქვან თავის სახელი, რადგან ამ შემთხვევაში ეს იქნება ინდიკატორი მათ მიერ დაფინანსებული ჯგუფებისთვის, რომ ისინი ტაშს არ უკრავენ მათ რადიკალიზმს. შესაბამისად, როგორი ძალადობრივიც არ უნდა იყოს აქცია, მათ უნდა დაუძახონ მშვიდობიანი.

რეალობის აღქმა აქვთ დაკარგული იმ ევრობიუროკრატებს, რომელიც ევროკავშირში დღეს მმართველი კლასია. რამდენიმე თვის წინ ევროკომისიამ ჩაატარა ევრობარომეტრის კვლევა, სადაც ევროკავშირთან მიმართებაში განწყობები გაუარესებულია, რაც ძალიან გულდასაწყვეტია.

ჩვენ დარწმუნებულები ვართ, რომ როგორც აშშ-ში, ისე ევროპაშიც ხალხი გამოიღვიძებს და ეს ევრობიუროკრატები რამდენიმე წელიწადში მართვის სადავეებთან აღარ იქნებიან და სადავეებთან მოვლენ ისეთი პოლიტიკოსები, რომლებისთვისაც ევროკავშირის, თავიანთი ქვეყნების სუვერენიტეტი არის მნიშვნელოვანი, ქრისტიანული ღირებულებები იქნება ძალიან მნიშვნელოვანი და მაშინ ჩვენი და მათი პოზიციები თანხვედრაში იქნება“, – აღნიშნა ლევან მაჭავარიანმა.