“პოლიტიკური გადაწყვეტილებების პოლიტიკური ქვენაგრძნობებით ნაკარნახევი პროცესების ადგილი ნამდვილად არ არის საუნივერსიტეტო წრეებში”

პოლიტიკური გადაწყვეტილებების პოლიტიკური ქვენაგრძნობებით ნაკარნახევი პროცესების ადგილი ნამდვილად არ არის საუნივერსიტეტო წრეებში, – განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ, თორნიკე ჭეიშვილმა ილიას უნივერსიტეტის მეორე ვადით არჩეული რექტორის პოლიტიკურ აქტიურობასთან დაკავშირებით.

„პოლიტიკური გადაწყვეტილებების პოლიტიკური ქვენაგრძნობებით ნაკარნახევი პროცესების ადგილი ნამდვილად არ არის საუნივერსიტეტო წრეებში, უნივერსიტეტის კედლებში. მითუმეტეს მაშინ, როდესაც არაერთი მტრულად განწყობილი ძალა შეიძლება იყოს დაინტერესებული დღეს იმით, რომ საქართველოში მიმდინარე რეფორმას, მასშტაბურ, ეროვნულ საქმეს გარკვეული რეპუტაციული ზიანი მიადგეს და წყალი შეუდგეს“, – აღნიშნა ჭეიშვილმა.

ნინო დობორჯგინიძე როგორც სოციალურ ქსელში, ისე საპროტესტო აქციებსა და სატელევიზიო ეთერებში, ღიად არის ჩართული და პოლიტიკურ შეხედულებებს გამოხატავს. გარდა ამისა, პარტია „თავისუფლების მოედანმა“ გაავრცელა ანონსი, სადაც მითითებულია, რომ მათ პოლიტიკურ ღონისძიებებში ილიაუნის რექტორი სპიკერის როლში ერთვება.