საქართველოს საგარეო საქმეთა მინისტრმა, მაკა ბოჭორიშვილმა „დღის ქრონიკაში“ არაბეთის გაერთიანებული საამიროების პრეზიდენტთან შეხვედრა შეაფასა. მისი თქმით, არსებობს ინტერესი, რომ ქვეყნებს შორის ურთიერთობები მტკიცე იყოს.
„გვქონდა შესაძლებლობა შევხვედროდით არაბეთის გაერთიანებული საამიროების პრეზიდენტს. მასთან საკმაოდ კარგი და თბილი ურთიერთობა აქვს ჩამოყალიბებული ჩვენს ხელისუფლებას. მისი მხრიდან არსებობს ინტერესი, რომ ჩვენს ქვეყნებს შორის ურთიერთობები იყოს მტკიცე, სხვა მიმართულებით განვითარებული.
პროგრესის თვალსაზრისით, ეს არის ძალიან საინტერესო ქვეყანა და არის შესაძლებლობა ბევრი მიმართულებით განვავითაროთ თანამშრომლობა. განსაკუთრებული აქცენტი კეთდება განათლების მიმართულებაზე. ასეთ პირობებში თანამშრომლობის განვითარება საინტერესოა ყველასთან.
ის რეფორმები, რაც ჩვენმა ქვეყანამ გაატარა და მიღწევები, რაც ჩვენ გვაქვს, ძალიან ბევრისთვის არის საინტერესო“, – აღნიშნა მაკა ბოჭორიშვილმა.