პარტია „ხალხის ძალის“ წევრი დავით ქართველიშვილი მსოფლიოში მიმდინარე პროცესებს ეხმიანება. ის პარალელებს ავლებს იაპონიაში, აფრიკის ქვეყნებში და საქართველოში მიმდინარე პროცესებს შორის.
„საკუთარ „ჭაობში“ გაწევრიანების ტრიგერად საქართველოს უყენებენ პირობებს: ლგბტ თემატიკასთან ბრძოლის კანონების გაუქმება, უმრავლესობის ინტერესების დაცვისთვის თავის დანებება – „გაანებეთ თავი დაფინანსებებს და გრანტებსო“. გვეუბნებიან უარი ვთქვათ ყველაფერზე – სუვერენიტეტზე, იდენტობაზე,“ – განაცხადა ექსპერტმა და აღნიშნა, რომ იაპონიაში უკვე გააცნობიერეს, სადამდე შეიძლება მიიყვანოს „დასავლური სიგიჟეების ვაქცინაციამ“ კულტურული და დემოგრაფიული დეგრადაცია. მისივე შეფასებით, მსგავსი დებატები მიმდინარეობს ქრისტიანულ სამყაროშიც, მათ შორის ანგლიკანურ კონფესიაში, განსაკუთრებით აფრიკის ქვეყნებში.
„იაპონიაში მიხვდნენ, დასავლური რაღაც „სიგიჟეების ვაქცინაციამ“ სადამდე შეიძლება მიიყვანოს კულტურული და დემოგრაფიული დეგრადაცია ასეთ თვითმყოფად და იდენტურ ქვეყანაში. სასაცილოა, სატირალი რომ არ იყოს ის, რომ ოდესღაც ევროპული ცივილიზაციის ბურჯები, როგორიც არის ვატიკანი და ანგლიკანური ეკლესია, უკვე იმდენად არიან ჩაძირულნი ამ ლგბტ შიზოფრენიაში, რომ ამას მოქმედი პაპი ლეონიც მიხვდა და ნელ-ნელა აპირებს გარკვეული რეფორმაციის ჩატარებას საკუთარ წიაღში. საინტერესოა, რამდენად გამოუვა. ჯერ სერიოზულ ბრძოლებშია, თუმცა განცხადებები და დეკლარაციები მაინც წამოსცდება ხოლმე.
ძალიან საინტერესო პროცესები მიმდინარეობს დაახლოებით 20 წელიწადია აფრიკის კონტინენტზე, იმ ქვეყნებში, სადაც გაბატონებულია ანგლიკანური ეკლესია, როგორც ქრისტიანობის ერთ-ერთი კონფესია. მათ არაერთი კრება ჩაატარეს და შეიძლება ითქვას, რომ აფრიკელ ანგლიკანელებს მეტი შანსი აქვთ, ეს კონფესია, როგორც ტრადიციული და ქრისტეს მცნებების მატარებელი, შეუნარჩუნონ მორწმუნეებს, ვიდრე ეს ლონდონს შეუძლია. არაერთ კრებაზე პირდაპირ განაცხადეს კიდეც, რომ ეს ევქარისტიული კავშირი ლონდონთან უნდა შეწყდეს, რათა ქრისტეს შეუნარჩუნონ ანგლიკანობა, როგორც ქრისტიანობის ერთ-ერთი განშტოება. ეს პროცესები მიმდინარეობს აფრიკაში, იაპონიაში და ჩნდება კითხვა: რატომ ებრძვიან წლების განმავლობაში საქართველოს?
იმიტომ, რომ საქართველო არის ნათელი მაგალითი იმისა, რომ (მასშტაბებს, მოსახლეობასა და ამა თუ იმ ბლოკში გაწევრიანებას თავი რომ დავანებოთ) თუ პატარა ქვეყანამ სახელმწიფო გეზად აიღო სურვილი, შეინარჩუნოს საკუთარი ტრადიციულობა და ფასეულობები, დაიცვას თავისი დედა ეკლესია, არ უღალატოს ღმერთს, ემსახუროს ხალხს, საკუთარ უსაფრთხოებასა და სუვერენიტეტს, ეს სხვებისთვისაც შესაძლებელია. სწორედ ამიტომ ებრძვიან.
საკუთარ „ჭაობში“ გაწევრიანების პირობად საქართველოს უყენებენ მოთხოვნებს: გაუქმდეს „ლგბტ თემატიკასთან ბრძოლის“ კანონები, უმრავლესობის ინტერესების დაცვის პოლიტიკა და უარი ითქვას სუვერენიტეტსა და იდენტობაზე. გლობალისტი ლიბერალების მიერ ევროსაბჭოთა კავშირად გარდაქმნილ კონგლომერატში საქართველოს ადგილი არ არის,“ – განაცხადა დავით ქართველიშვილმა.