ავსტრალიაში ისრაელის პრეზიდენტის ვიზიტის წინააღმდეგ გამართულ აქციაზე პოლიციასა და დემონსტრანტებს შორის დაპირისპირება მოხდა, დაკავებულია 27 ადამიანი. ამის შესახებ „როიტერი“ წერს.
ისააკ ჰერცოგის ქვეყანაში ვიზიტის გასაპროტესტებლად სიდნეის ცენტრში ათასობით ადამიანი შეიკრიბა.
პოლიციამ აქციის მონაწილეების დასაშლელად ცრემლსადენი გაზი და წიწაკის სპრეი გამოიყენა. პოლიციის ცნობით, 27 ადამიანი დააკავეს, მათ შორის 10, სავარაუდოდ, პოლიციელებზე თავდასხმის ბრალდებით.
ამასთან, ავსტრალიის პარლამენტის წევრმა, აბიგაილ ბოიდმა, განაცხადა, რომ ტერიტორიის დატოვების მცდელობისას პოლიციელებმა მას მუშტი დაარტყეს.
ავსტრალიის პრემიერ-მინისტრმა, ენტონი ალბანეზემ განაცხადა, რომ „განადგურებული“ იყო ძალადობით და მოუწოდა დემონსტრანტებს, მშვიდობიანად გამოეხატათ თავიანთი შეხედულებები.