“მიხარია თავისი თვალით რომ ნახავს რა სტანდარტების სამედიცინო ნაწილები გვაქვს პენიტენციურ დაწესებულებაში”

პენიტენციური სამსახურის სამედიცინო დეპარტამენტის ხელმძღვანელი თამთა დემურიშვილი სოციალურ ქსელში ელისო კილაძის შესახებ წერს.

”სამარცხვინო მატყუარა, მეზღაპრე და ცილისმწამებელი… არასოდეს კომენტარი არ გამიკეთებია მის უმსგავს ცილისწამებებზე, არც იმაზე, ამ დანაშაულებრივი ინტერვიუების შემდეგ, ვითომ ჩემს პირად ცხოვრებაზე რომ აკეთებდა აქცენტს, ბებიაჩემს ინსულტი რომ დაემართა და შემდეგი 2 წელი გარდაცვალებამდე საწოლს რომ იყო მიჯაჭვული, მაგრამ სამედიცინო ნაწილი ბინძურია და საღორეს გავსო, ამბობს და მიხარია თავისი თვალით რომ ნახავს რა სტანდარტების სამედიცინო ნაწილები გვაქვს პენიტენციურ დაწესებულებაში და როგორი აღჭურვილი პირველადი ჯანდაცვის ე.წ. პუნქტები, ასევე უამრავი მცირე საწარმო და დასაქმების შესაძლებლობა, რომ არ მოიწყინოს ჩვენთან და დასაქმდეს და ხელფასიც აიღოს შრომის შესაბამისად, თაღლითობის გარეშე… პ.ს. გორელი ლამაზმანი რომ მიწოდეთ მადლობელი ვარ – ელისო … Nino Nadiradze შენი თქმის არ იყოს, არასოდეს უსურვო სხვას ის, რაც საკუთარი თავისთვის არ გინდა🤌 ძველი შუმერული ანდაზა😎”