ისრაელის პრემიერ-მინისტრმა, ბენიამინ ნეთანიაჰუმ სპეციალურ ვიდეომიმართვაში განაცხადა, რომ ისრაელმა და აშშ-მა ირანის წინააღმდეგ სამხედრო ოპერაცია დაიწყეს, რათა ეგზისტენციური საფრთხე მოიშორონ, რომელსაც ირანული რეჟიმი წარმოადგენს და ირანელებისთვის შექმნან ისეთი პირობები, რომ მათ საკუთარი ბედი შეცვალონ.
„ძმებო და დებო, ისრაელის მოქალაქენო, ცოტა ხნის წინ ისრაელმა და შეერთებულმა შტატებმა დაიწყეს ოპერაცია ეგზისტენციალური საფრთხის მოსაშორებლად, რომელიც ირანის ტერორისტული რეჟიმის მიერ არის შექმნილი“, – განაცხადა ნეთანიაჰუმ.
ისრაელის პრემიერმა მადლობა გადაუხადა აშშ-ის პრეზიდენტს, დონალდ ტრამპს მისი „ისტორიული ლიდერობისთვის“.
„47 წლის განმავლობაში აიათოლას რეჟიმი ყვიროდა „სიკვდილი ისრაელს“ და „სიკვდილი ამერიკას“. მან ჩვენი სისხლი დაღვარა, მოკლა ბევრი ამერიკელი და საკუთარი ხალხი ამოხოცა“, – დასძინა ნეთანიაჰუმ.