საქართველოს პარლამენტის თავმჯდომარის შალვა პაპუაშვილის განცხადებით, „ნაციონალურ მოძრაობაში“ არის არა იდეოლოგიური კონფლიქტი, არამედ დავა მიმდინარეობს იმასთან დაკავშირებით, ვინ იქნება ლიდერი.
„მათ არანაირი იდეოლოგიური კონფლიქტი არ აქვთ. ახლა რა პროცესსაც ვაკვირდებით, ისაა, რომ კვლავ „ერთიანი ნაციონალური მოძრაობის“ რეინკარნაცია ხდება. დიდი ხანია, „ნაციონალური მოძრაობა“ ერთიანი არ ყოფილა. „ნაციონალური მოძრაობას“ აქვს არა რაიმე იდეოლოგიური ან გეგმებთან დაკავშირებით კონფლიქტი, არამედ კონფლიქტია იმაზე, ვინ იქნება ყოჩი და ვინ – ცხვარი. ახლა შიგნით დავა ამაზე მიდის. ჩანს, ვის უნდა იქ ყოჩობა და ვის ხედავენ ცხვრებად. ისღა დაგვრჩენია, პოპკორნი მოვიმარჯვოთ და ყოჩების და ცხვრების გადანაწილებებს ვუყუროთ“, – აღნიშნა შალვა პაპუაშვილმა.
კომენტარები