„ბოდიშით, მე ძალიან სერიოზულად ვეკიდები ამ საკითხს. ძალიან შეშფოთებული ვარ ევროკავშირის განვითარებით. რაც უფრო ვსწავლობ, როგორ ვითარდება ევროკავშირი, მით უფრო მეშინია. რატომ? იმიტომ, რომ როგორ შეიძლება ვთქვათ, რომ შენ უნდა აგკრძალო, მხოლოდ იმიტომ, რომ ხარ ჟურნალისტი და შენი მთავრობა ევროკავშირის ხაზს არ ეთანხმება? უბრალოდ იმიტომ, რომ მას შენი კითხვა არ მოეწონა? – განუცხადა „ქრონიკას“ ევროპარლამენტარმა ტიერი მარიანიმ.
ის თავისი კოლეგის მარკეტა გრეგოროვას ქმედებას გამოეხმაურა, რომელიც „იმედის“ ჟურნალისტს დაემუქრა: „მე მთავრობის მედიას არ ვესაუბრები და თქვენ საერთოდ აკრძალული უნდა გქონდეთ ევროპარლამენტში ყოფნა“.
როგორც ტიერი მარიანიმ აღნიშნა, როდესაც მედიას კრძალავ, ეს არის შენი სისუსტის გამოხატულება.
„ვფიქრობ, რომ მათ დემოკრატია არ უყვართ, რადგან არ უყვართ, როცა მთავრობა ან ადამიანი ერთსა და იმავე ხაზს არ მიყვებიან. ვიცი, რასაც ვამბობ, მაგრამ მგონია, რომ ევროკავშირი დღეს უკვე ტოტალიტარულად იქცა.
გულწრფელად ვამბობ, როცა ვნახე რა მოხდა მაგალითად რუმინეთში, როდესაც შეძლეს პრეზიდენტის პირველი ტურის გაუქმება მხოლოდ იმიტომ, რომ ნომერ ერთი კანდიდატი ევროკავშირის ხაზზე არ იყო, ცოტა შემეშინდა მომავალ წელს საფრანგეთის არჩევნების.
ფაქტობრივად, მათ სურთ აკრძალონ ყველა ადამიანი, ვისაც ზუსტად მათი აზრი არ აქვთ. ეს თითქმის საბჭოთა პერიოდს გვაგონებს.
იცით, როცა ერთ მედიასაშუალებას კრძალავთ, შემდეგ უკვე ვერ გაჩერდებით. როცა მედიას კრძალავთ, ეს უბრალოდ არის თქვენი სისუსტის გამოხატულება. ევროკავშირი ამ მომენტში, წარმატებულ პოზიციაში არ არის. თუ ნახავთ პოლიტიკურ და საერთაშორისო სიტუაციას, მანქანამ ფონ დერ ლაიენის ხელმძღვანელობით ფაქტობრივად საკომისიო კატასტროფას მიაღწია“, – განაცხადა ტიერი მარიანიმ.