ომიდან სამ დღეში „ვითიბი“ ბანკმა ისე შეაჩერა მოქმედება, რომ ეს დიდად ვერავინ იგრძნო, ვინაიდან მათ შორის სახელმწიფომ საკუთარი როლი შეასრულა ამაში, – განაცხადა ტელეკომპანია „იმედის“ გადაცემაში „ღია ეთერი-დებატები“ საქართველოს პარლამენტის თავმჯდომარე შალვა პაპუაშვილმა.
პაპუაშვილის თქმით, სახელმწიფო ამას უზრუნველყოფდა, მაგრამ ამის საპირწონედ მივიღეთ უცხოეთიდან დაფინანსებული ორგანიზაციები და პოლიტიკური ოპოზიცია.
„სიფრთხილე და პრაგმატიზმი, ეს არის ერთ-ერთი მთავარი გამოწვევა და 2022 წლის თებერვალი-მარტი ზუსტად ასეთი იყო, როდესაც საქართველოს ხელისუფლებამ თქვა, რომ არ დააწესებს სანქციებს, თუმცა უზრუნველყოფს, რომ არ იქნება გვერდის ავლა.
სხვათა შორის, 28 თებერვალი იყო თუ 27, ომიდან სამ დღეში „ვითიბი“ ბანკმა ისე შეაჩერა მოქმედება, რომ ეს დიდად ვერავინ იგრძნო იმიტომ, რომ მათ შორის სახელმწიფომ საკუთარი როლი შეასრულა ამაში, ამის პირობები შეიქმნა.
სახელმწიფო ამას უზრუნველყოფდა, მაგრამ ამის საპირწონედ მივიღეთ უცხოეთიდან დაფინანსებული ორგანიზაციები და პოლიტიკური ოპოზიცია, რომელიც დადგა პარლამენტის წინ და ითხოვდა, „გაუშვი მებრძოლები“. დღემდე არცერთ ქვეყანას არ გაუგზავნია ორგანიზებულად მებრძოლები უკრაინაში. „გააგზავნე მაინცდამაინც საქართველოდან მებრძოლები, ჩაკეტე ცა, დააწესე ვიზები, დააწესე სანქციები,“ ა.შ. და [ითხოვდნენ] ვინ, ისევ ჩვენები“, – აღნიშნა შალვა პაპუაშვილმა.