პირველ რიგში, უნდა ითქვას, რომ დასკვნა არის არაობიექტური და ძალიან ბევრი გადაუმოწმებელი ფაქტია. როგორც ჩანს, ეს დასკვნა თბილისში დაწერილი დაახვედრა რადიკალურმა ოპოზიციამ, – განაცხადა საპარლამენტო პოლიტიკური ჯგუფის „ევროპელი სოციალისტების“ თავმჯდომარემ, ვლადიმერ ბოჟაძემ მოსკოვის მექანიზმის დასკვნაზე საუბრისას. დეპუტატი აცხადებს, რომ ეს საქართველოს მიმართ წარმოებული უსამართლო პოლიტიკის გაგრძელებაა. ის ასევე დასკვნაზე მომუშავე პოლონელი ექსპერტის, პატრიცია გჟებიკის მიუკერძოებლობას ეჭვქვეშ აყენებს.
„პოლონეთი და პოლონეთის ხელისუფლება „ნაციონალური მოძრაობის“ ძალიან აქტიური მხარდამჭერია და გვახსოვს იგივე ტუსკის განცხადება, სააკაშვილისთვის დადგმული ცარიელი სკამი EPP-ს ყრილობაზე და ა.შ. ეს იმ უსამართლო პოლიტიკის გაგრძელებაა, რომელიც თითქმის 5 წელია გრძელდება ჩვენს ქვეყანასთან მიმართებაში და, რა თქმა უნდა, ეს ყველაფერი, პირველ რიგში რუსეთ-უკრაინის ომს უკავშირდება“, – მიიჩნევს ბოჟაძე.