ავსტრალიაში აქტივისტებსა და სამართალდამცველებს შორის დაპირისპირება მოხდა.
„როიტერის“ ინფორმაციით, ასობით აქტივისტი ალის სპრინგსის საავადმყოფოსთან შეიკრიბა, სადაც ხუთი წლის გოგონას მკვლელობაში ბრალდებული 47 წლის მამაკაცი – ჯეფერსონ ლუისია მოთავსებული.
ადგილობრივი მედიის ცნობით, მომიტინგეების დასაშლელად პოლიციამ ცრემლსადენი გაზი გამოიყენა, აქციის მონაწილეებმა კი სხვადასხვა ნივთი ისროლეს და პოლიციის ორი მანქანა დაწვეს.
მედიის ცნობით, მკვლელობის შესახებ ინფორმაციის გავრცელების შემდეგ მამაკაცი ადგილობრივებმა იპოვეს და სასტიკად სცემეს.
„როიტერი“ წერს, რომ ჯეფერსონ ლუისის ბრალი გოგონას გატაცებასა და მკვლელობაში ედება. ის წარსულში ფიზიკური ძალადობისთვის ნასამართლევი იყო და ციხიდან ცოტა ხნის წინ გაათავისუფლეს.
კომენტარები