„ერთიანი ნეიტრალური საქართველოს“ ახალგაზრდული ორგანიზაციის დამფუძნებელი ღონისძიება გაიმართა. შეხვედრაზე ხაზი გაესვა ახალგაზრდების პოლიტიკურ პროცესებში მონაწილეობის მნიშვნელობას. როგორც აღინიშნა, დღეს გარე ძალების ერთ-ერთი მთავარი სამიზნე ახალგაზრდობა და მათი დეზორიენტაციაა, ამიტომ მნიშვნელოვანია ისეთი ახალი პლატფორმის შექმნა, რომელიც მათ ინტერესებზე, საჭიროებებსა და, რაც მთავარია, ეროვნულ ღირებულებებზე იქნება დაფუძნებული.
„ყველამ ვიცით, რომ გარე ძალების მთავარ სამიზნეს ჩვენი ახალგაზრდობა წარმოადგენს და მათი დეზორიენტაცია. ამიტომ მნიშვნელოვანია, რომ ჩვენ ვქმნით ახალ პლატფორმას, რომელიც რეალურად მათ ინტერესებზე, საჭიროებებზე და ეროვნულ ღირებულებებზე იქნება დაფუძნებული. ეს იქნება თავისუფალი სივრცე ახალგაზრდებისთვის, სადაც შეძლებენ საკუთარი იდეების, მათ შორის პრობლემების მოტანას, პოლიტიკურ პროცესებში აქტიურად ჩართვას“, – განაცხადა „ერთიანი ნეიტრალური საქართველოს” აღმასრულებელმა მდივანმა ვატო შაქარიშვილმა.