საქართველოს პარლამენტის პირველი ვიცე-სპიკერის, გია ვოლსკის განცხადებით, რადიკალურ ოპოზიციას უნდა, რომ მის მიერ საზოგადოებაში გამოწვეული ფსიქოლოგიური ტერორი 26 მაისს ფიზიკურ დაპირისპირებაში გადაიზარდოს.
გია ვოლსკიმ ჟურნალისტებთან საუბარში აღნიშნა, რომ ოპოზიციის მიზანია, 26 მაისს ქუჩაში მეტი ხალხი და მეტი ჩოჩქოლი იყოს.
„რატომ შეარჩიეს ეს დღე? 26 მაისს ბევრი ხალხი იქნება, როგორც 9 აპრილს იყო და სწორედ ამიტომ შეარჩიეს ეს დღე. ხელოვნური გაწიწმატება და პოლიტიკურად ანგაჟირებული ადამიანები ვნახეთ. ისიც ვიხილეთ, ეს ადამიანები როგორი აგრესიულები და აქტიურები არიან. მათი მხრიდან ფსიქოლოგიური ტერორიც ვიხილეთ და უნდათ, როგორმე ფსიქოლოგიური ტერორი ფიზიკურ დაპირისპირებაში გადაიზარდოს. 26 მაისიც ამიტომ აირჩიეს, რომელიც ერის გამაერთიანებელი თარიღია. მათთვის სიმბოლიზმი არაფერს ნიშნავს, მათი სიმბოლო მონუმენტზე ცეკვაა. მათთვის 9 აპრილის მონუმენტზე ცეკვა ნორმალურია“, – განაცხადა ვოლსკიმ.