იტალიაში ვიზიტის ფარგლებში, ნიკოლოზ სამხარაძემ შეხვედრა გამართა ვატიკანის სახელმწიფო მდივანთან, კარდინალ პიეტრო პაროლინთან.
საუბრის ერთ-ერთ მნიშვნელოვან თემას საქართველოს ევროპული ინტეგრაციის პროცესი წარმოადგენდა. კარდინალი პიეტრო პაროლინი დაინტერესდა იმ პრობლემატიკით, რომელიც ამ ურთიერთობებში არის შექმნილი.
მხარეებმა საქართველოს ოკუპირებულ რეგიონებში — აფხაზეთსა და ცხინვალის რეგიონში არსებულ მდგომარეობაზე ისაუბრეს.
განხილვის თემას ასევე წარმოადგენდა საქართველოს მნიშვნელოვანი სამშვიდობო როლი როგორც სომხეთ-აზერბაიჯანის კონფლიქტის მოგვარების, ისე ზოგადად რეგიონული უსაფრთხოების უზრუნველყოფის პროცესში.
დღესვე შედგა ქართული საპარლამენტო დელეგაციის აუდიენცია რომის პაპ ლეო XIV-სთან.
ვატიკანში გამართულ შეხვედრაში მონაწილეობდა იურიდიულ საკითხთა კომიტეტის თავმჯდომარის პირველი მოადგილე თორნიკე ჭეიშვილი.