ჩინეთის საგარეო საქმეთა მინისტრმა, ვან იმ განაცხადა, რომ პეკინის დასკვნით, აშშ-ის პრეზიდენტს, დონალდ ტრამპს ესმის ჩინეთის პოზიცია ტაივანთან დაკავშირებით.
„შეხვედრის დროს ჩვენ დავინახეთ, რომ შეერთებულ შტატებს ესმის ჩინეთის პოზიცია, მნიშვნელობას ანიჭებს ჩინეთის წუხილებს და, ისევე როგორც საერთაშორისო თანამეგობრობა, მხარს არ უჭერს და არ იღებს ტაივანის დამოუკიდებლობას“, – განუცხადა ვან იმ ჩინეთის სახელმწიფო მედიას პარასკევს, ლიდერების სამიტის დასრულების შემდეგ.
„ტაივანის საკითხი ყველაზე მნიშვნელოვანია ჩინეთ-აშშ-ის ურთიერთობებში; ის გავლენას ახდენს მთლიან სიტუაციაზე“, – გაიმეორა ვან იმ. „ჩვენ ვიმედოვნებთ, რომ შეერთებული შტატები პატივს სცემს „ერთი ჩინეთის“ პრინციპს, ჩინეთ-აშშ-ის სამ ერთობლივ კომუნიკეს და შეასრულებს თავის საერთაშორისო ვალდებულებებს“.