ესექსის საგრაფოს საბჭოს შენობის წინ, ახლად არჩეული პარტია „რეფორმის“ ადმინისტრაციის გადაწყვეტილებით, უკრაინის დროშა ჩამოხსნეს. ინფორმაციას ამის შესახებ BBC-ი ავრცელებს.
პარასკევს, ქალაქ ჩელმსფორდში მდებარე საგრაფოს ადმინისტრაციის წინ, მის ნაცვლად დიდი ბრიტანეთის მეორე დროშა აღმართეს.
საბჭოს ლიდერმა, პიტერ ჰარისმა ამ ფაქტს „საამაყო მომენტი“ უწოდა. თუმცა, საპასუხოდ, კონსერვატიული ოპოზიციის ხელმძღვანელმა, ლი სკოტმა გააფრთხილა საზოგადოება, რომ ამ ნაბიჯმა შესაძლოა ადგილობრივ დონეზე „პროკრემლისტური პოლიტიკის“ წახალისებას შეუწყოს ხელი.
უკრაინის დროშა აღნიშნული შენობის წინ 2022 წლის მარტიდან, რუსეთის მიერ უკრაინაში სრულმასშტაბური შეჭრიდან რამდენიმე კვირაში აღიმართა.
კომენტარები