ინგლისური საფეხბურთო კლუბის, „მანჩესტერ იუნაიტედის“ და ინგლისის ნაკრების ყოფილი მოთამაშე დევიდ ბეკჰემი პირველი ბრიტანელი სპორტსმენი გახდა, რომლის ქონება 1 მლრდ გირვანქა სტერლინგს გადასცდა. ამის შესახებ The Times იუწყება.
გამოცემის ცნობით, ყოფილი ფეხბურთელის ქონება გასულ წელს 500 მლნ გირვანქა სტერლინგით გაიზარდა და ახლა 1, 185 მილიარდ ფუნტს შეადგენს.
ასეთი სერიოზული მოგება აშშ-ის საფეხბურთო ლიგის კლუბს, „ინტერ მაიამის“ უკავშირდება, რომელიც ინვესტორთა ჯგუფს ეკუთვნის. ინვესტორების სათავეში ბეკჰემი იმყოფება.
მსოფლიოში უმდიდრეს სპორტსმენად ამჟამად აშშ-ის ნაციონალური საკალათბურთო ასოციაციის, (NBA) ექვსგზის გამარჯვებული, მაიკლ ჯორდანი ითვლება. ჟურნალ Sportico-ს ცნობით, მისი ქონება 4,15 მლრდ აშშ დოლარს შეადგენს.
კომენტარები