ნატოს გენერალური მდივანი, მარკ რუტე მომავალ კვირას შეიარაღების მწარმოებელ ევროპული კომპანიების წარმომადგენლებს შეხვდება და ინვესტიციებისა და წარმოების გაზრდისკენ მოუწოდებს, რადგან ალიანსი კონტინენტის სამხედრო პოტენციალის გაძლიერებასა და აშშ-ის პრეზიდენტის, დონალდ ტრამპის დაშოშმინებას ცდილობს. ინფორმაციას Financial Times-ი ავრცელებს.
გამოცემის ცნობით, რუტე ბრიუსელში წამყვანი სამხედრო კონცერნების ხელმძღვანელ პირებს შეხვდება, რათა მოუწოდოს მათ იმოქმედონ ოპერატიულად და ივლისში ანკარაში გასამართ სამიტზე მნიშვნელოვანი განცხადებებისთვის ნიადაგი მოამზადონ.
შეხვედრამდე კომპანიებს დაევალა მოამზადონ ინფორმაცია ძირითადი ინვესტიციების და წარმადობის გაზრდის შესახებ ისეთ სფეროებში, როგორიცაა ჰაერსაწინააღმდეგო თავდაცვა და შორი მანძილზე მოქმედი რაკეტების წარმოება.
როგორც გამოცემა იუწყება, რუტე ხშირად ხვდება ევროპის სხვადასხვა კომპანიების წარმომადგენლებს, მაგრამ მათი ერთად შეკრება უჩვეულოა.
მოსალოდნელია, რომ შეხვედრაში მონაწილეობას კომპანიების: Rheinmetall, Safran, Airbus, Saab, MBDA и Leonardo წარმომადგენლები მიიღებენ.