ისრაელის პრემიერ-მინისტრი, ბენიამინ ნეთანიაჰუ აცხადებს, რომ ირანის რეჟიმი „განწირულია გაქრობისთვის“ და პირობას დებს, რომ ისრაელი ამას ხელს შეუწყობს.
ამის შესახებ მან „მოსადის“ ახალი ხელმძღვანელის, რომან გოფმანის დანიშვნის ცერემონიაზე განაცხადა, რომელმაც თანამდებობა ოფიციალურად დაიკავა.
„ეს ტერორისტული რეჟიმი, რომლის ბედიც ამ ქვეყნიდან გაქრობაა – და ჩვენ მას ამ დანიშნულების ადგილამდე მიღწევაში დავეხმარებით – ვეღარასდროს დაგვემუქრება ბირთვული ბომბებითა და ათასობით მომაკვდინებელი ბალისტიკური რაკეტით. ეს არის ჩემი დირექტივა“, – მიმართა ნეთანიაჰუმ დამსწრე საზოგადოებას.
„ეს შენი მისიაა, რომან“, – თქვა ნეთანიაჰუმ გოფმანის მისამართით და დასძინა: „მოსადი“ კვლავაც იქნება ირანის აგრესიის წინააღმდეგ ჩვენი ბრძოლის წინა ხაზზე… იმ თანმიმდევრული პოლიტიკის შესაბამისად, რომელსაც წლებია ვატარებთ. ჩვენ არ დავუშვებთ, რომ მან ბირთვული იარაღი მოიპოვოს და არ მივცემთ უფლებას, საფრთხე შეუქმნას ჩვენს არსებობას“.