რუსული მედიის თანახმად, მოსკოვი-სიმფეროპოლის სამგზავრო ავტობუსზე უკრაინული დრონით თავდასხმას შვიდი ადამიანი ემსხვერპლა, 11 კი დაშავდა.
გავრცელებული ცნობით, ავტობუსი დონეცკის რეგიონის ქალაქ ენაკიევოში გადაადგილდებოდა.
რუსული მედიის თანახმად, თავდასხმის შემდეგ ავტობუსს ცეცხლი გაუჩნდა.
არსებული ინფორმაციით, დრონის ნაწილები მიმოფანტულია ირგვლივ და სპეციალისტები ჯერ ვერ ადგენენ მის ტიპს.
რუსეთის საგამოძიებო კომიტეტის ცნობით, ავტობუსზე თავდასხმის ადგილის მახლობლად საცხოვრებელი შენობები დაზიანდა. ათი დაშავებული, მათ შორის ერთი ბავშვი, საშუალო სიმძიმის დაზიანებებით საავადმყოფოში მოათავსეს.
კომენტარები