პოლონეთის თავდაცვის მინისტრმა ვლადისლავ კოსინიაკ-კამიშმა პოლონური მხარის მიერ უკრაინისთვის გაწეული სამხედრო დახმარების მოცულობა გაასაჯაროვა. ინფორმაციას პოლონური მედია ავრცელებს.
კოსინიაკ-კამიშის თქმით, პოლონეთის პრეზიდენტთან დონალდ ტუსკთან გამართული საუბრის შემდეგ მან უკრაინასთან დაკავშირებული ყველა ტიპის სამხედრო დახმარების გასაჯაროება დაიწყო.
„რაც შეეხება ტექნიკასა და ტყვია-წამალს 2022-2023 წლებში, მაშინ იმ დროს სამხედრო ტექნიკის სხვადასხვა სახეობა გადავეცით [უკრაინას]“, – განაცხადა პოლონეთის თავდაცვის მინისტრმა.
კოსინიაკ-კამიშის თქმით, 2022-2023 წლებში პოლონეთმა უკრაინას დაახლოებით 3,4 მილიარდი ევროს ოდენობის სამხედრო დახმარება გადასცა.
მისი თქმით, 2024 წლიდან დღემდე პოლონეთმა უკრაინას დაახლოებით 350 მილიონი ევროს ღირებულების სამხედრო აღჭურვილობა გადასცა.
როგორც პოლონეთის თავდაცვის მინისტრმა თქვა, 2024 წელს ვარშავამ კიევს PAC-3 და Patriot-ის ტიპის რაკეტებიც გადასცა.