უკრაინის საგარეო საქმეთა ყოფილი მინისტრი დმიტრო კულება ქვეყანაში საკადრო ცვლილებების ფონზე განვითარებულ კრიზისს ეხმაურება. ის აცხადებს, რომ თუ თავდაცვის ყოფილი მინისტრის, მიხაილ ფედოროვის დათხოვნა შიდა პოლიტიკურ დაპირისპირებას უკავშირდება, მაშინ თანამდებობა შეიარაღებული ძალების მთავარსარდალმა, ალექსანდრ სირსკიმაც უნდა დატოვოს.
„თუ არსებული კრიზისის მიზეზი ფედოროვთან შეუთავსებლობაა, სირსკიც უნდა წავიდეს. მთავარია, პოლიტიკურ ბრძოლაში, რომელსაც პოლიტიკოსები აწარმოებენ, არ წავაგოთ ომი, რომელშიც ქვეყანა იბრძვის“, – დაწერა კულებამ.
კულებამ ფედოროვს „ძლიერი მენეჯერი“ უწოდა, თუმცა აღნიშნა, რომ მისი დაბრუნება თავდაცვის სამინისტროში პრობლემას არ გადაწყვეტს, „რადგან მისი ურთიერთობა პრეზიდენტთან დანგრეულია“.
უკრაინის ქალაქებში ვოლოდიმირ ზელენსკის საკადრო ცვლილებებს, მეორე დღეა აპროტესტებენ. დემონსტრაციები თავდაცვის მინისტრის თანამდებობიდან მიხაილ ფედეროვის გათავისუფლებას მოჰყვა.