აშშ-ს პრეზიდენტი, დონალდ ტრამპი მიიჩნევს, რომ კანადაში ტყის ხანძრები გააზრებული დაუდევრობის გამო გაჩნდა და ქვეყანას საბაჟო გადასახადების გაზრდით დაემუქრა.
ტრამპმა განაცხადა, რომ აშშ კანადას აკისრებს „პასუხისმგებლობას იმაზე, რომ ის სათანადოდ არ უვლის თავის ტყეებსა და ბუჩქნარებს“.
„ჩვენ კანადას ვაკისრებთ პასუხისმგებლობას მათი ტყეებისა და ბუჩქნარების არასათანადო მოვლის გამო. შეერთებული შტატები იძულებულია, გაუმკლავდეს უსაფუძვლოდ შემოჭრილ დაბინძურებულ და არაჯანსაღ ჰაერს, რომლის ხარისხიც სიცოცხლისთვის საშიში და სრულიად მიუღებელია! დღის განმავლობაში დავუკავშირდები პრემიერ-მინისტრს, რათა გავარკვიო, რა ზომების მიღებას აპირებენ ისინი ამ პრობლემის მოსაგვარებლად. მიყენებული ზიანი კი შეუფასებელია!“ – აღნიშნა ტრამპმა.
„კანადამ უარი თქვა ტყის მართვისა და ნარჩენების გაწმენდის ელემენტარული სამუშაოების შესრულებაზე, კარგად იცოდა რა, რომ ასეთი უმოქმედობა ზუსტად ამ შედეგამდე მიგვიყვანდა. ეს არის შეგნებული დაუდევრობა, რომელიც უკვე ყოველწლიურ მოვლენად იქცა და შეერთებულ შტატებს მილიარდობით დოლარი უჯდება. ამ დაბინძურებით მიყენებული ზიანი აუცილებლად უნდა აისახოს იმ საბაჟო ტარიფებზე, რომლებსაც კანადა ამჟამად იხდის“, – დასძინა მან.