20 ივლისის ღამეს უკრაინული დრონები მოსკოვის ოლქს თავს დაესხნენ. რუსეთის დედაქალაქის მერის, სერგეი სობიანინის მონაცემებით, საღამოდან მოყოლებული მოსკოვის რეგიონის მიმართულებით 400-ზე მეტი უპილოტო საფრენი აპარატი მიფრინავდა, რომელთა უმეტესობა შორ მანძილზე იყო განეიტრალებული, მოსკოვთან მიახლოებისას 85 დრონი ჩამოაგდეს.
ადგილობრივი ხელისუფლების ცნობით, ოდინცოვოში დაზიანდა ავტომობილი და კერძო სახლი. პოდოლსკში უპილოტო საფრენი აპარატების ჩამოვარდნის შედეგად ხანძრები გაჩნდა და სამოქალაქო ინფრასტრუქტურის რამდენიმე ობიექტი დაზიანდა. კერძო სახლი დაზიანდა სოფელ მალოე ტოლბინოშიც.
გამოცემა Astra, გამოქვეყნებული ვიდეოებისა და ფოტოების ანალიზზე დაყრდნობით წერს, რომ პოდოლსკში თავდასხმა განხორციელდა ნავთობბაზაზე და ის იწვის. გარდა ამისა, ხანძარია დომოდედოვოში მდებარე ინდუსტრიულ კომპლექს „იუჟნიე ვრატას“ საწყობში. დომოდედოვოში დრონი ასევე მოხვდა მრავალსართულიან საცხოვრებელ სახლს.