რუსეთის უშიშროების ფედერალურმა სამსახურმა მესენჯერ „ტელეგრამის“ დამფუძნებელს პაველ დუროვს ტერორიზმის ხელშეწყობის მუხლით ბრალი დაუსწრებლად წარუდგინა. ინფორმაციას რუსული მედია ავრცელებს.
„ტელეგრამის“ ადმინისტრაციის ხელმძღვანელს პ. დუროვს სისხლის სამართლის საქმის გამოძიების ფარგლებში ბრალი წარედგინა დანაშაულის ჩადენისთვის, რომელიც გათვალისწინებულია რუსეთის სისხლის სამართლის კოდექსის 205.1 მუხლის მე-11 ნაწილით (ტერორიზმის ხელშეწყობა). მასზე საერთაშორისო ძებნა გამოცხადდა“, – ციტირებს მედია რუსეთის უშიშროების ფედერალურ სამსახურს.
საბრალდებო დასკვნაში აღნიშნულია, რომ „ტელეგრამის“ ადმინისტრაციამ უარი განაცხადა წაეშალა არხები, ჩატები და ბოტები, რომელსაც უკრაინული სპეცსამსახურები, ტერორისტული და ექსტრემისტული ორგანიზაციები აქტიურად იყენებენ, რათა რუსეთში დივერსიული აქტები მოაწყონ.