არავითარი საფუძველი არ გვაქვს ვივარაუდოთ, რომ სამიზნე პოლონეთი იყო, – განაცხადა პოლონეთის პრემიერ-მინისტრმა, დონალდ ტუსკმა ლუბლინის ოლქში რუსული რაკეტის ჩამოვარდნის ინციდენტის კომენტირებისას.
მთავრობის მეთაურმა პირადად დაათვალიერა ადგილი, სადაც პოლონეთის საჰაერო სივრცის დამრღვევი ობიექტი ჩამოვარდა.
მან დაადასტურა წინასწარი ცნობები იმის შესახებ, რომ, სავარაუდოდ, საქმე ეხება საბრძოლო მუხტის მატარებელ რუსულ ფრთოსან რაკეტას – Х-101-ს (Kh-101).
„რუსეთი ყველაფერს იღონებს, რომ პასუხისმგებლობა თავიდან აირიდოს“, – დასძინა ტუსკმა.
მან აღნიშნა, რომ ამერიკული მხარე დაინტერესებულია, მონაწილეობა მიიღოს პოლონეთის საჰაერო სივრცის ღამით დარღვევის ფაქტის გამოძიებაში.
„ყველაფერი გამჭვირვალე უნდა იყოს, ხალხმა კი ყველაფრის შესახებ უნდა იცოდეს. ეს ომი მოულოდნელობებითაა სავსე. ჩვენ ძალიან სწრაფად უნდა ვისწავლოთ ახალ სიტუაციებსა და ახალ საფრთხეებზე რეაგირება“, – დასძინა პოლონეთის პრემიერმა.