აშშ-ის პრეზიდენტმა, დონალდ ტრამპმა განაცხადა, რომ უკრაინასთან იშვიათი ლითონების მოპოვებასთან დაკავშირებით შეთანხმება არსებობს, რაც შეერთებულ შტატებს გაწეული ფინანსური დახმარების უკან დაბრუნების შესაძლებლობას მისცემს.
ტრამპის თქმით, უკრაინის ტერიტორია მდიდარია სტრატეგიული რესურსებით, ხოლო გაფორმებული ხელშეკრულება ამერიკულ მხარეს მოქმედების სრულ თავისუფლებას ანიჭებს.
„თუ გახსოვთ, მე მივაღწიე შეთანხმებას. ჩვენ შეგვიძლია დავიბრუნოთ ჩვენი ფული, რადგან გავაფორმეთ გარიგება იშვიათ ლითონებზე. იცით, რაზეც ვლაპარაკობ. ეს შეთანხმება შესაძლოა 300 მილიარდ დოლარზე გაცილებით მეტი ღირდეს. უკრაინა ძალიან მდიდარია, მას აქვს ძალიან ნოყიერი ნიადაგი იშვიათი ლითონების თვალსაზრისით. ჩვენ ხელი მოვაწერეთ ხელშეკრულებას და შეგვიძლია იქ ნებისმიერ დროს შევიდეთ და თითქმის ყველაფერი ავიღოთ, რაც გვსურს. ეს საკმაოდ კარგი შეთანხმებაა“, – განაცხადა ტრამპმა.