ეკა კუპატაძე ნანუკა ჟორჟოლიანის განცხადებას ეხმაურება და მას საქმის პოლიტიკურ ჭრილში გადაყვანაში და სიცრუეში ადანაშაულებს.
„მან გააჟღერა ბევრი არასწორი ინფორმაცია. შეფუთა ეს არასწორად ნიკას და გიგას ქებით. იმის გამო, რომ ნიკა და გიგა აქო და ადიდა, იმას ალბათ ეგონა, რომ მე არაფერს აღარ ვიტყოდი. დადგება იმის დრო, როცა ამ ლაივის შესახებ დეტალურად ვისაუბრებ. მარტო ის იყო სწორი, ვინ იყო ნიკა ავალიანი და გიგა ავალიანი იმ ლაივში. სხვა არაფერი. ტყუილია ეგ ყველაფერი. სულ არ მცალია ახლა მე ნანუკა ჟორჟოლიანისთვის. სამყარო ჩამოქცეული მაქვს. გიჟური გამოხტომები და პოლიტიკურ რელსებზე გადაყვანა არის სრული აბსურდი“, – განაცხადა ეკა კუპატაძემ „ქრონიკასთან“.
ცნობისთვის, ნანუკა ჟორჟოლიანმა განაცხადა, რომ ის გიგა ავალიანის მკვლელობამდე დიდი ხნით ადრე იცნობდა ეკა კუპატაძეს. ჟორჟოლიანის თქმით, მას ეკა კუპატაძემ სთხოვა, რომ მიხეილ სააკაშვილის გასათავისუფლებლად ყველაფერი გაეკეთებინა.