„ჯორჯიან უოთერ ენდ ფაუერი“ საბურთალოს რაიონში, პეკინის გამზირის №37-ის მიმდებარედ, წყალმომარაგების 1000 მმ-იან მაგისტრალურ მილსადენზე რთული ტექნიკური დაზიანების აღსადგენად გადაუდებელ სამუშაოებს ჩაატარებს. ინფორმაციას „ჯორჯიან უოთერ ენდ ფაუერი“ ავრცელებს.
როგორც გავრცელებულ ინფორმაციაშიააღნიშნული, სამუშაოების სირთულიდან გამომდინარე, აუცილებელია გზის სავალი ნაწილის დაკეტვა.
„შესაბამისად, 8 აგვისტოს 00:30 საათიდან 8 აგვისტოს 22:00 საათამდე, პეკინისა და ვაჟა-ფშაველას კუთხიდან ჟვანიას მოედნის მიმართულებით, ფანჯიკიძის ქუჩის კუთხემდეავტომობილების გადაადგილება სრულად შეიზღუდება. აღნიშნული ავარიული ვითარების მასშტაბიდან გამომდინარე, ადგილზე მობილიზებული ტექნიკური ჯგუფები უწყვეტი რეჟიმით იმუშავებენ, რათა აღდგენითი პროცესი მაქსიმალურად მოკლე დროში დასრულდეს. სამუშაოების ფარგლებში სრულად აღდგება დაზიანებული ქსელი, მოწესრიგდება ტერიტორია და დაიგება ასფალტის საფარი. ჯორჯიან უოთერ ენდ ფაუერი ბოდიშს გიხდით შექმნილი დისკომფორტისა და შეფერხებისთვის“, – აღნიშნულია გავრცელებულ ინფორმაციაში.