საქალაქო სასამართლოში გრიგოლ ლილუაშვილის პროცესი გაიმართა.
საქმეზე მოწმის სახით გამოიკითხა რომეო მიქაუტაძე. ის სხდომას დისტანციურად პენიტენციური დაწესებულებიდან ჩაერთო.
პროკურორის ინფორმაციით, მიქაუტაძემ გრიგოლ ლილუაშვილთან კავშირი დაადასტურა.
მისი თქმით, მსჯავრდებულმა აღიარა, რომ მან პირადად გადასცა ბიზნეს სუბიექტებისგანაღებული თანხა ლილუაშვილს.
ბრალდების მხარემ, მოწმის დაკითხვა დაასრულა. დაცვის მხარის კითხვებს კი რომეო მიქაუტაძეს სასამართლოში ორშაბათს უპასუხებს.
„გაჟღერებული მოცემულობაა, რომ სწორედ რომეო მიქაუტაძის მეშვეობით კონკრეტულ ორ შემთხვევაში გრიგოლ ლილუაშვილმა აიღო ქრთამი. წარმოდგენილი იყო მოწმის განცხადება, სადაც ის უთითებდა, რომ სურვილი ჰქონდა, მისი დაკითხვა დისტანციურად მომხდარიყო.
მოწმემ განმარტა, რომ მას პირადად ჰქონდა კავშირი და ურთიერთობა გრიგოლ ლილუაშვილთან, მათ შორის იმ თანხებთან დაკავშირებით, რომელიც ბრალად არის შერაცხილი, პირადად გადასცა და დავალებითაც პირადად მიიღო, რომ მოეთხოვა კონკრეტული თანხები მეწარმე პირებისგან.
მოწმემ დაადასტურა თანხის გადაცემის ფაქტი და ისაუბრა იმაზეც, თუ როგორ მოახდინა ამ საკმაოდ სოლიდური თანხის აკუმულირება და გადაცემა“, – აღნიშნა პროკურორმა.