რუსეთის სამხედრო ხელმძღვანელობას ჩრდილოეთ უკრაინაში, მათ შორის კიევსა და ჩერნიგოვზე, შესაძლო შეტევითი ოპერაციის რამდენიმე სცენარის მომზადება დაევალა, – განაცხადა უკრაინის პრეზიდენტის ოფისის ხელმძღვანელის მოადგილემ პავლო პალისამ 28 აგვისტოს ჟურნალისტებთან დახურულ შეხვედრაზე.
პალისას განცხადებით, აღნიშნული ინფორმაცია გადამოწმებულია და პრეზიდენტის ოფისმა ის დაზვერვის რამდენიმე წყაროსგან მიიღო. მას არ დაუკონკრეტებია, უკრაინული იყო თუ უცხოური ეს სადაზვერვო წყაროები.
„დიახ, რუსეთში რამდენიმე ვარიანტი განიხილებოდა“, – განაცხადა პალისამ შეხვედრაზე.
მისი თქმით, უკრაინის შეიარაღებული ძალების გენერალურმა შტაბმა უკვე შეიმუშავა შესაძლო საპასუხო მოქმედებების სცენარები, მათ შორის თავდაცვის, უსაფრთხოების უზრუნველყოფისა და მოსალოდნელი მოქმედებების წინააღმდეგ ბრძოლის ზომები.
„უკრაინის შეიარაღებული ძალების გენერალურმა შტაბმა შეიმუშავა შესაძლო საპასუხო სცენარები, მათ შორის ამ მოქმედებებისგან თავდაცვის, დაცვისა და მათი აღკვეთის ზომები“, – განაცხადა პალისამ.